Култната црвена кожна јакна која Мајкл Џексон ја носеше во спотот за „Трилер“ би можела да достигне вртоглави 10 милиони долари на претстојната аукција во Абу Даби! Ова легендарно парче историја последен пат беше продадено во 2011 година за 1,8 милиони долари. Но, изминатото време од смртта на кралот на поп музиката, како и огромниот интерес за новиот биографски филм „Мајкл“, драстично ѝ ја кренаа цената.
Покрај јакната, на декемвриската аукција организирана од „Julien’s Auctions“ ќе се најдат и други култни предмети. Меѓу нив е и познатата светкава ракавица со која Џексон го изведе историскиот танцов чекор „мунвок“ на песната „Били Џин“ во 1983 година чија вредност сега се проценува на дури 800.000 долари!
За колекционерите со длабок џеб ќе бидат понудени и два пара негови црни кожни чевли (проценети до 80.000 долари), како и чевлите кои ги носеше во спотот за „Трилер“ (до 50.000 долари). Пред големата продажба, сите овие предмети ќе бидат дел од глобална изложба во САД, Јапонија и Бахреин, давајќи им уникатна шанса на обожавателите одблиску да ја видат историјата на поп музиката.
Comments are closed.