По пет години исцрпувачка правна битка, поп-дивата Мараја Кери извојува голема победа над нејзиниот роден брат Морган! Судот во Њујорк дефинитивно ги отфрли сите негови тужбени барања за клевета, кои произлегоа по објавувањето на нејзините мемоари „Значењето на Мараја Кери“ во 2020 година.
Морган бараше астрономска отштета од над 20 милиони долари, тврдејќи дека сестра му трајно му го уништила угледот. Тој реагираше на деловите од книгата каде пејачката го опишува како насилна личност, го поврзува со трговија со кокаин и ги открива неговите проблеми со однесувањето во детството.
Сепак, судијката Лесли А. Строт пресуди дека Морган не успеал да докаже оти пејачката свесно изнесувала лаги со намера да му наштети. Адвокатот на Кери изјави дека таа е презадоволна од одлуката, истакнувајќи дека ова е важна победа за слободата на авторите кои обработуваат теми од јавен интерес.
Но, семејната војна очигледно не е завршена. Адвокатот на нејзиниот брат веднаш најави дека тие не се помируваат со ваквиот исход и наскоро ќе поднесат жалба до повисоките судски инстанци.
Comments are closed.