Ужас и паника во основно училиште во романскиот град Бистрица! Тринаесетгодишен ученик од седмо одделение со нож нападнал и повредил наставник и свој соученик.
Крвавиот инцидент, кој се случил околу 8:40 часот наутро, ја шокираше Европа, особено поради морничавите детали кои излегоа во јавноста. Според информациите, момчето го најавило нападот преку заканувачки пораки на „ТикТок“. Во медиумите дури кружи и фотографија направена непосредно пред инцидентот, на која ученикот држи нож и носи шлем опремен со камера!
Иако против него е отворена истрага за обид за тешко убиство, поради неговата возраст (13 години), романските закони го штитат и тој нема да биде изведен пред суд.
Романскиот министер за образование, Михаи Димијан, побара итна и темелна проверка на електронските уреди на ученикот за да се потврди автентичноста на објавите. Овој инцидент е само уште еден во низата насилни напади низ европските училишта, повторно отворајќи го алармантното прашање за влијанието на социјалните мрежи врз детското насилство.
Comments are closed.