ФАТАЛЕН СУДИР ВО СКОПЈЕ
19-годишен мотоциклист го загуби животот во тешка сообраќајна несреќа што се случи на крстосницата меѓу булеварот „Никола Карев“ и улицата „Прохор Пчински“, во близина на познатата „Пластичарска“ во Скопје. По несреќата, полицијата го уапси возачот на автомобилот кој учествувал во судирот.
СУДИР МЕЃУ АВТОМОБИЛ И ДВА МОТОЦИКЛИ
Според информациите од Министерството за внатрешни работи, во несреќата учествувале патничко возило „Ауди А4“ со скопски регистарски ознаки, управувано од 31-годишниот Н.Х. од Визбегово, како и два мотоцикли.
Едниот мотор бил „БМВ“, управуван од 19-годишниот М.Ф. од Скопје, додека вториот бил „Хонда АДВ“, управуван од 21-годишниот Н.Б.
МОТОРЏИЈАТА ИМ ПОДЛЕГНАЛ НА ПОВРЕДИТЕ
Во силниот удар, 19-годишниот возач на „БМВ“ се здобил со тешки телесни повреди. Тој бил итно пренесен во Комплексот клиники „Мајка Тереза“, но и покрај напорите на лекарите, им подлегнал на повредите.
ИСТРАГАТА ПРОДОЛЖУВА
На местото на несреќата увид извршиле јавен обвинител и екипа на СВР Скопје. Возачот на автомобилот е лишен од слобода, а околностите под кои дошло до трагичниот судир се предмет на истрага.
Comments are closed.