Министерството за внатрешни работи минатата недела спроведе координирана акција на повеќе локации низ државата, при што беа лишени од слобода осум лица осомничени за недозволено поседување наркотични средства.
Акциите се реализираа во Скопје, Тетово и Битола како дел од континуираните активности за сузбивање на нелегалната трговија и злоупотребата на дрога.
Во Скопје, полициски службеници од СВР Скопје привеле шест лица – Ѓ.Д. (30) од Велес, Ф.П. (28) од Куманово, како и И.М. (23), Б.В. (27), А.Б. (27) и А.Ш. (29) од Скопје. При извршените контроли и прегледи кај нив била пронајдена и одземена марихуана, како и грутчеста и прашкаста материја за која ќе се вршат дополнителни вештачења.
Во Тетово, на улицата „Илинденска“, околу 23:40 часот, бил приведен 19-годишниот Е.Б., кај кого полициските службеници пронашле марихуана.
Неколку часа подоцна, во Битола, во близина на спортска сала на улицата „Партизанска“, бил лишен од слобода и С.Т. од Битола. И кај него била пронајдена марихуана, соопшти МВР.
Од Министерството информираа дека по целосното документирање на сите случаи ќе бидат поднесени соодветни кривични и прекршочни пријави согласно законските процедури.
Полицијата најави дека ваквите контроли и акции ќе продолжат и во наредниот период со цел спречување на нелегалната трговија со наркотични средства и зајакнување на јавната безбедност.
Comments are closed.