Македонија и понатаму ќе биде под влијание на топол воздушен бран, но уште од денес се очекува постепена промена на временските услови. Според прогнозата на Управата за хидрометеоролошки работи (УХМР), покрај високите температури, во попладневните и вечерните часови ќе има услови за локална нестабилност со пороен дожд, грмежи и засилен ветер.
Во текот на денот ќе преовладува сончево и многу топло време со мала до умерена облачност. Сепак, во попладневните часови на повеќе места се очекува развој на нестабилна облачност, која локално може да биде проследена со пороен дожд, грмежи, засилен ветер, а на одделни места и со појава на град.
Постепено заладување во наредните денови
Според УХМР, во текот на следните денови ќе започне продор на посвежа воздушна маса од север, што ќе придонесе за постепено опаѓање на дневните температури и посвежо време.
Освен падот на температурите, на повеќе места низ земјата се очекуваат врнежи од дожд и нестабилно време, а најизразено освежување се прогнозира кон крајот на работната недела.
До 40 степени денес
За денеска се прогнозира сончево и многу топло време со мала до умерена локална облачност. Во попладневните часови на одделни места се можни пороен дожд, грмежи и засилен ветер.
Максималната дневна температура ќе се движи од 33 до 40 степени Целзиусови.
Во Скопје ќе биде сончево и многу топло, со температура до 39 степени. Попладне во делови од котлината ќе има услови за локална нестабилност проследена со дожд и грмежи.
Метеоролозите апелираат граѓаните да избегнуваат подолг престој на директно сонце во најтоплиот дел од денот, да внесуваат доволно течности и да бидат внимателни поради можноста за локални временски непогоди.
Comments are closed.