Шеесет и едногодишен патник е повреден откако непознато лице фрлило тегла кон автобус на ЈСП што сообраќал на линијата број 7 во Скопје. Инцидентот се случил додека автобусот бил во движење, при што било скршено едно од страничните стакла.
Според информациите од Министерството за внатрешни работи, настанот се случил вчера околу 07:40 часот на булеварот „Трета Македонска Бригада“.
Во еден момент, непознат сторител фрлил тегла кон автобусот, по што се скршило едно од страничните стакла. Од распрснатите парчиња стакло бил повреден патникот Т.Б. (61) од Скопје.
Повредениот добил соодветна помош, додека полицијата веднаш започнала со преземање мерки за утврдување на идентитетот на лицето кое го предизвикало инцидентот.
Од МВР информираат дека се работи на целосно расчистување на случајот и пронаоѓање на сторителот.
Инцидентот повторно ја отвора темата за безбедноста во јавниот градски превоз, особено кога несовесни постапки можат директно да ја загрозат безбедноста на патниците и возачите.
Comments are closed.