ГОЛЕМА ЗДЕЛКА ВО СВЕТОТ НА ВЕШТАЧКАТА ИНТЕЛИГЕНЦИЈА
Технолошкиот гигант NVIDIA го купи стартапот Kumo AI за околу 400 милиони долари, а меѓу основачите и извршен директор е Македонецот Вања Јосифовски.
Според објавите на светските технолошки медиуми, трансакцијата е потврдена од повеќе извори запознаени со договорот, иако официјална потврда од компаниите засега нема.
МАКЕДОНЕЦ ВО ЦЕНТАРОТ НА ЕДНА ОД НАЈГОЛЕМИТЕ АИ ЗДЕЛКИ
Вања Јосифовски е добро познато име во светот на технологијата. Скопјанецот со години гради успешна кариера во САД и бил дел од раководните тимови на некои од најголемите технолошки компании во светот.
Пред да го основа „Кумо АИ“, тој беше главен директор за технологија во Airbnb и Pinterest, а претходно работел како главен истражувач во Yahoo.
ОСНОВАЧИТЕ ВЕЌЕ СЕ ПРЕСЕЛИЛЕ ВО „ЕНВИДИЈА“
Покрај Јосифовски, коосновачи на стартапот се и Јуре Лесковец, професор на Stanford University, како и Хема Рагаван, поранешна инженеринг директорка во LinkedIn.
Според нивните јавни профили, тројцата минатиот месец преминале да работат во „Енвидија“.
ШТО ПРАВИ „КУМО АИ“?
„Кумо АИ“ развива модели за вештачка интелигенција кои им помагаат на компаниите да прават попрецизни деловни предвидувања преку анализа на големи количини податоци.
Технологијата се смета за особено вредна во време кога компаниите ширум светот инвестираат милијарди долари во решенија базирани на вештачка интелигенција.
УШТЕ ЕДЕН ГОЛЕМ МАКЕДОНСКИ УСПЕХ НА СВЕТСКАТА ТЕХНОЛОШКА СЦЕНА
Продажбата на „Кумо АИ“ претставува една од најголемите бизнис-зделки поврзани со македонски претприемач во технолошката индустрија.
Во период кога вештачката интелигенција е меѓу најбрзо растечките сектори во светот, успехот на Вања Јосифовски претставува значајно признание и за македонската технолошка заедница.
Comments are closed.