Албанскиот премиер Еди Рама испрати остар ултиматум до демонстрантите кои со денови предизвикуваат хаос низ улиците на Тирана! Иако изрази подготвеност за дијалог со граѓаните, тој децидно ги затвори вратите за насилниците и политичките партии кои одбиваат да го осудат вандализмот.
Она што предизвика најголем шок во албанската јавност е неговиот план за колективна финансиска одговорност. Рама предупреди дека кривично и финансиски ќе одговараат не само директните сторители кои фрлаат молотови коктели, туку и оние демонстранти кои само стојат во групата и одбиваат јавно да се оградат од вандалите!
„Протестите се право, но насилството е кривично дело. Оваа црвена линија ќе биде цврсто повлечена“, порача Рама, обвинувајќи ги лидерите на опозицијата за политички опортунизам и медиумска манипулација.
Тензиите во Албанија не стивнуваат, полицијата досега уапси 167 лица за вандализам и уништување јавен имот, додека опозицијата обвинува за полициска бруталност и упорно бара итна оставка од владата.
Comments are closed.