Астрономите го срушија рекордот со најновото епохално откритие, детектиран е најдалечниот „брз радиоблесок“ (FRB) досега, моќен сигнал кој патувал неверојатни 10 милијарди години низ просторот за да стигне до нас!
Овој екстремен феномен, означен како FRB 20240304B, настанал кога универзумот бил стар само три милијарди години. За да сфатиме колку одамна е тоа, кога овој сигнал избувнал во длабоката вселена, нашата планета Земја и Сонцето сè уште воопшто не постоеле!
Што е всушност „брз радиоблесок“? Станува збор за ултра-краток, но застрашувачки моќен налет на радиобранови. За само неколку милисекунди, тој ослободува огромна енергија, еднаква на онаа што нашето Сонце ја произведува со месеци или дури со години!
Сигналот првично бил уловен од радиотелескопот MeerKAT во Јужна Африка, а најмоќниот вселенски телескоп Џејмс Веб (James Webb) подоцна открил дека потекнува од многу млада и мала галаксија. Иако научниците веруваат дека ваквите блесоци најчесто се создаваат од магнетари (неутронски ѕвезди со екстремно силни магнетни полиња), ова откритие докажува дека тие можат да настанат и во многу млади галаксии кои допрва формираат ѕвезди.
За астрономите, овие сигнали се од непроценливо значење. Додека патуваат милијарди светлосни години низ вселената, тие собираат информации за „невидливата“ материја меѓу галаксиите, служејќи како врвна алатка за мерење и проучување на најголемите скриени тајни на универзумот.
Comments are closed.