Вистински хаос владее по улиците на Тирана откако студентските протести ескалираа во насилни судири со полицијата! На вториот ден од демонстрациите, избувна пожар во зградата на Министерството за образование, а полицијата беше принудена да употреби солзавец и водени топови за да ја растера разбеснетата толпа.Синоќа, илјадници демонстранти со покриени лица се собраа пред Министерството, фрлајќи тули, кршејќи заштитни огради и превртувајќи канти за отпадоци. Според очевидци, во насилните немири била запалена и банка во непосредна близина на зградата.
Билансот од судирите е сериозен, полицијата приведе околу 40 лица, а најмалку 13 се повредени, меѓу кои и шестмина полицајци. И покрај апсењата, немирите продолжија.
Иако протестите започнаа мирно со барања за подобри услови за студирање, помали трошоци и финансиска поддршка, тие брзо прераснаа во отворен бунт. Според многумина, ова е најсериозната ескалација на антикорупциското движење кое тлее во Албанија од мај, насочено директно против владата на Еди Рама, но и против опозицијата на Сали Бериша.
Comments are closed.