Во еден од најголемите договори во историјата на забавната индустрија, „Парамаунт Скајденс“ официјално го презема „Ворнер Брос. Дискавери“ за 110 милијарди долари. Овој потег го води Дејвид Елисон под новото име „Скајденс корпорација“, обединувајќи два стогодишни филмски гиганти и популарни брендови како HBO, CBS, CNN, Nickelodeon, DC Studios, заедно со франшизите „Хари Потер“, „Господар на прстените“ и „Невозможна мисија“.
Преземањето следи по неколкумесечна битка откако „Нетфликс“ се повлече од наддавањето, а десетина американски држави поднесоа тужби поради страв од монопол и поскапување за потрошувачите. Договорот конечно беше одобрен откако „Парамаунт“ се обврза да формира независен комитет за уредувачката политика на „Си-Ен-Ен“ и „Си-Ес-Би-Ес“, да издава најмалку 30 филмови годишно и да задржи голем дел од филмското производство во САД.
Comments are closed.