Скелетните останки на цар Самоил, кои почиваат во црквата „Света Софија“, заминуваат на детална ДНК-анализа во странство! Како што пренесуваат бугарските медиуми, саркофагот нема повторно да се отвора, бидејќи примерок од неговата слепоочна коска веќе е земен во Солун и испратен во врвни специјализирани лаборатории во германските градови Бон и Мајнц.
Откако ќе завршат испитувањата, примерокот ќе биде вратен во Бугарија, каде експертите ќе одлучат кои следни чекори во истражувањето се можни.
Но, што знаеме досега? Првичните антрополошки анализи на скелетот веќе открија фасцинантни детали за животот на големиот владетел. Научниците утврдиле дека цар Самоил починал на возраст меѓу 60 и 70 години и бил висок околу 163 сантиметри.
Во последните години од животот, тој се соочувал со повеќе тешки заболувања кои сериозно му ја попречувале подвижноста. Најголемото изненадување за истражувачите била откриената трага од тешка повреда на подлактицата, која резултирала со трајно и сериозно оштетување на неговата лева рака!
Comments are closed.